Kattippara: സാക്ഷരതാ മിഷൻ, കേരള സർക്കാർ, കട്ടിപ്പാറ ഗ്രാമപഞ്ചായത്ത് എന്നിവയുടെ സംയുക്താഭിമുഖ്യത്തിൽ ന്യൂ ഇന്ത്യ ലിറ്ററസി പ്രോഗ്രാമിന്റെ ഭാഗമായി മികവുത്സവവും സാക്ഷരതാ പരീക്ഷയും സംഘടിപ്പിച്ചു. കട്ടിപ്പാറ കാരുണ്യതീരം ക്യാമ്പസിൽ വെച്ച് നടന്ന ചടങ്ങിൽ ഗ്രാമപഞ്ചായത്ത് മെമ്പർ കെ.ടി. മുഹമ്മദലി ഉദ്ഘാടനം നിർവ്വഹിച്ചു. ​ഭിന്നശേഷിക്കാർ ഉൾപ്പെടെ സമൂഹത്തിലെ എല്ലാ വിഭാഗങ്ങളെയും പഠനപ്രവാഹത്തിലേക്ക് ഉൾക്കൊള്ളിക്കുന്നതിലൂടെ സാക്ഷരതാ പ്രവർത്തനങ്ങൾക്ക് പുതിയ ദിശ നൽകാൻ ഈ പദ്ധതിക്ക് കഴിയുമെന്ന് അദ്ദേഹം അഭിപ്രായപ്പെട്ടു. അറിവ് നേടുന്നതിൽ പ്രായമോ പരിമിതികളോ തടസ്സമല്ലെന്ന് തെളിയിക്കുന്നതായിരുന്നു മികവുത്സവത്തിലെ പങ്കാളിത്തം. […]