Kattippara: പഞ്ചായത്തിലെ തെരുവ് വിളക്കുകൾ കത്താത്തതിനെ ചൊല്ലിയുണ്ടായ തർക്കങ്ങൾക്കും പ്രതിഷേധങ്ങൾക്കും ഒടുവിൽ പരിഹാരമായി. പഞ്ചായത്ത് പ്രസിഡന്റിന്റെ അധ്യക്ഷതയിൽ ചേർന്ന അടിയന്തര യോഗത്തിലാണ് തെരുവ് വിളക്കുകളുടെ അറ്റകുറ്റപ്പണി ഉടൻ പൂർത്തിയാക്കാൻ തീരുമാനമായത്.
പ്രതിഷേധം ഫലം കണ്ടു
തെരുവ് വിളക്ക് പ്രശ്നത്തിൽ ജനുവരി 15-ന് ഭരണസമിതി യോഗം ചേർന്നിരുന്നെങ്കിലും വ്യക്തമായ പരിഹാരം ഉണ്ടായിരുന്നില്ല. ഇതിൽ പ്രതിഷേധിച്ച് കഴിഞ്ഞ ദിവസം എൽഡിഎഫ് അംഗങ്ങൾ പഞ്ചായത്ത് സെക്രട്ടറിയെ ഉപരോധിച്ചിരുന്നു. ഫെബ്രുവരി 20-നകം പ്രശ്നത്തിന് പരിഹാരം കാണുമെന്ന് സെക്രട്ടറി രേഖാമൂലം ഉറപ്പ് നൽകിയതോടെയാണ് സമരം അവസാനിപ്പിച്ചത്.
കരാർ കാലാവധി തീരുന്നതിന് മുൻപ് പണി തീർക്കും
നിലവിലെ അറ്റകുറ്റപ്പണി കരാർ എടുത്ത കമ്പനിയുടെ കാലാവധി ഈ ഫെബ്രുവരി 28-ന് അവസാനിക്കുകയാണ്. കാലാവധി തീരുന്നതിന് മുൻപ് തന്നെ പഞ്ചായത്തിലെ എല്ലാ വാർഡുകളിലെയും കേടായ ഹൈമാസ്റ്റ്, ലോ മാസ്റ്റ് ലൈറ്റുകൾ പ്രവർത്തനസജ്ജമാക്കുമെന്ന് കരാർ കമ്പനി ഉറപ്പുനൽകിയിട്ടുണ്ട്. ഇതിന്റെ അടിസ്ഥാനത്തിൽ കമ്പനി ജീവനക്കാർ വിവിധയിടങ്ങളിൽ അറ്റകുറ്റപ്പണികൾ ആരംഭിച്ചു കഴിഞ്ഞു.
Author: Thamarassery
vf