തിരുവനന്തപുരം:കേരളത്തിൽ അടുത്ത ദിവസങ്ങളിൽ വ്യാപകമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി. ഇടുക്കി, പാലക്കാട്, മലപ്പുറം, വയനാട് എന്നീ ജില്ലകളിൽ ഇന്ന് യെല്ലോ അലേർട്ട് പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളിൽ ഇടിയോടും കാറ്റോടും കൂടിയ ശക്തമായ മഴ ലഭിച്ചേക്കാമെന്നും മുന്നറിയിപ്പിൽ പറയുന്നു.
തെക്കൻ തമിഴ്നാടിന് മുകളിലെയും തെക്കൻ ആൻഡമാൻ കടലിന് മുകളിലെയും ചക്രവാതച്ചുഴിയാണ് മഴയുടെ പ്രധാന കാരണം. അറബിക്കടലിലും ബംഗാൾ ഉൾക്കടലിലും നിന്നുള്ള കാറ്റ് ചേരുമ്പോൾ മഴയുടെ ശക്തി വർധിക്കുന്നതാണ്.
ഇടിമിന്നലോടുകൂടിയ മഴയ്‌ക്കൊപ്പം മണിക്കൂറിൽ 40-50 കിലോമീറ്റർ വേഗത്തിൽ കാറ്റ് വീശാൻ സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്നും ദുരന്തനിവാരണ അതോറിറ്റിയും കാട്ടിയിട്ടുണ്ട്. കള്ളക്കടൽ പ്രതിഭാസം കന്യാകുമാരി തീരത്ത് ഇന്ന് രാത്രി വരെ തുടരാം.
ഞായറാഴ്ച വരെ മഴയും കാറ്റും തുടരുമെന്നതിനാൽ തീരദേശ മേഖലകളിൽ താമസിക്കുന്നവർ പ്രത്യേക ജാഗ്രത പുലർത്തണം.