തിരുവനന്തപുരം:ജബൽപുരിൽ മലയാളി ക്രൈസ്തവ വൈദികർക്കെതിരേ നടന്ന ആക്രമണത്തെക്കുറിച്ച് മാധ്യമപ്രവർത്തകർ ചോദിച്ച ചോദ്യങ്ങൾക്ക് പ്രതികരിക്കവേ സുരേഷ് ഗോപി എം.പി മായ പ്രതികരണമാണ് പ്രകടിപ്പിച്ചത്.
"എന്റെ നാവ് പോസ്റ്റ്മോർട്ടം ചെയ്യട്ടെ, പക്ഷേ മനസ്സ് അതിൽ നിന്ന് ഒഴിവാക്കണം," എന്നായിരുന്നു അദ്ദേഹത്തിന്റെ പ്രതികരണം. ജബൽപുരിലെ സംഭവം പ്രസക്തമാക്കിയുള്ള ചോദ്യങ്ങൾക്ക് മറുപടി നൽകുമ്പോൾ കേരളത്തിലെ പാലാ ബിഷപ്പിനോട് ഉണ്ടായ സംഭവങ്ങളെയും അദ്ദേഹം ഉദാഹരണമായി ഉദ്ധരിച്ചു.
"പാലാ ബിഷപ്പിനെതിരെ കേസെടുത്ത് തടവിലാക്കാൻ ശ്രമിച്ചില്ലേ? മാധ്യമങ്ങൾ അതിനേക്കാൾ കൂടുതൽ ജാഗ്രത പുലർത്തണം. ഇവിടെ ജനങ്ങളാണ് വലിയവരെന്നും, മാധ്യമ പ്രവർത്തകർ ശ്രദ്ധിച്ചിരിക്കണമെന്നും" സുരേഷ് ഗോപി മുന്നറിയിപ്പ് നൽകി.
വഖഫ് ബില്ല് വിഷയത്തിൽ കോൺഗ്രസിനെയും വിമർശിച്ചു
വഖഫ് ഭേദഗതി ബില്ലുമായി ബന്ധപ്പെട്ട വിഷയത്തിലും സുരേഷ് ഗോപി കോൺഗ്രസിനെതിരെ ആഞ്ഞടിച്ചു. "ജനങ്ങളെ ജാതിയടിസ്ഥാനത്തിൽ വേർതിരിക്കാനുള്ള ശ്രമമാണ് അവർ നടത്തുന്നത്. ചിലർക്ക് ക്രിസ്ത്യാനി സമൂഹം മുഴുവനായി തിരിഞ്ഞുവെന്ന ഭയം തോന്നുന്നു. എന്നാൽ ആ നേതൃത്വമാർ മുൻ നിരയിൽ എന്തുകൊണ്ട് ഇല്ല?" എന്നും അദ്ദേഹം ചോദിച്ചു.
"ജബൽപുര്‍ സംഭവം സംബന്ധിച്ച് നിയമപരമായ നടപടികൾ സ്വീകരിക്കുമെന്ന്" സുരേഷ് ഗോപി വ്യക്തമാക്കി.