കോടഞ്ചേരി: ലഹരി മാഫിയയുടെ അക്രമങ്ങൾ, തദ്ദേശസ്വയംഭരണ സ്ഥാപനങ്ങളുടെ ഫണ്ട് കുറവ്, ആശാവർക്കരുടെ സമരത്തിൽ അനാസ്ഥ, വന്യമൃഗ ശല്യത്തിനെതിരെ നടപടികൾ എന്നിവ ആവശ്യപ്പെട്ട് ഐക്യ ജനാധിപത്യമുന്നണിയുടെ മണ്ഡലം കമ്മിറ്റി ടൗണിൽ രാപ്പകൽ സമരം സംഘടിപ്പിച്ചു.
ഡിസിസി ജനറൽ സെക്രട്ടറി നിജേഷ് അരവിന്ദ് സമരം ഉദ്ഘാടനം ചെയ്തു. യുഡിഎഫ് ചെയർമാൻ കെ.എം. പൗലോസ് അധ്യക്ഷത വഹിച്ചു.
പ്രമുഖർ സംസാരിച്ചു:
യൂത്ത് ഫ്രണ്ട് സംസ്ഥാന ജനറൽ സെക്രട്ടറി ഷിനോയി അടയ്ക്കാപാറ മുഖ്യപ്രഭാഷണം നടത്തി.
കെപിസിസി മെമ്പർ ഹബീബ് തമ്പി, ബ്ലോക്ക് കോൺഗ്രസ് പ്രസിഡണ്ട് ജോബി ഇലന്തൂർ, മണ്ഡലം കോൺഗ്രസ് പ്രസിഡണ്ട് വിൻസെന്റ് വടക്കേമുറിയിൽ, യുഡിഎഫ് ട്രഷറർ അബൂബക്കർ മൗലവി, ഗ്രാമപഞ്ചായത്ത് പ്രസിഡണ്ട് അലക്സ് തോമസ് ചെമ്പകശ്ശേരി, കർഷ കോൺഗ്രസ് സംസ്ഥാന സെക്രട്ടറി സണ്ണി കാപ്പാട്ട് മല, യുഡിഎഫ് കൺവീനർ ജയ്സൺ മേനാകുഴി തുടങ്ങിയവർ പരിപാടിയിൽ പങ്കെടുത്തു.
ഗ്രാമപഞ്ചായത്ത് വൈസ് പ്രസിഡണ്ട് ജമീല അസീസ്, ബ്ലോക്ക് പഞ്ചായത്ത് മെമ്പർ റോയി കുന്നപ്പള്ളി, കെഎം ബഷീർ, ജോർജ് എം തോമസ് മച്ചുകുഴി, അബ്ദുൽ കഹാർ, ബിജു ഓത്തിക്കൽ, ഫ്രാൻസിസ് ചാലിൽ, ആനി ജോൺ ആഗസ്തി പല്ലാട്ട്, ആന്റണി നീർവേലിൽ, സിബി ചിരണ്ടായത്ത്, സൂസൻ വർഗീസ്, റെജി തമ്പി, ചിന്നാ അശോകൻ, വാസുദേവൻ ഞാറ്റുകാലായിൽ എന്നിവർ പ്രസംഗിച്ചു.
(Follow Thamarassery Time for more local updates)