തമരശ്ശേരി പഞ്ചായത്തിലെ എല്ലാ മഹല്ലുകളിലും ഈദ് ഗാഹുകളിലും വിശ്വാസികൾ ലഹരി വിരുദ്ധ പ്രതിജ്ഞ എടുത്തു. പെരുന്നാൾ നിസ്‌ക്കാരത്തിന് മുമ്പായി പള്ളികളിൽ ലഹരി വിരുദ്ധ സന്ദേശങ്ങൾ നൽകുകയും, നിസ്‌കാരത്തിന് ശേഷം പ്രതിജ്ഞ ചൊല്ലിക്കൊടുക്കുകയും ചെയ്തു. ലഹരിക്കെതിരായ പോരാട്ടത്തിൽ വിശ്വാസികൾ ഒന്നടങ്കം അണിചേരണമെന്ന് താമരശ്ശേരി കെടവൂർ മഹല്ല് ഖത്തീബ് മുഹമ്മദ് ബഷീർ ബാഖവി പറഞ്ഞു. കെടവൂർ മഹല്ലിൽ നടന്ന ചടങ്ങിൽ ഓർഫനേജ് കൺട്രോൾ ബോർഡ് മുൻ ചെയർമാൻ പി സി ഇബ്രാഹിം മാസ്റ്റർ, മഹല്ല് കമ്മിറ്റി പ്രസിഡൻ്റ് ഹുസൈൻ എടവലം, സെക്രട്ടറി നാസർ കമ്മട്ടിയേരി എന്നിവർ നേതൃത്വം നൽകി.
