മാനന്തവാടി ബേഗൂർ വനത്തിൽ ചത്ത ആടുകളെ തള്ളാൻ ശ്രമിച്ച നാല് രാജസ്ഥാൻ സ്വദേശികളെ വനപാലകർ പിടികൂടി. കാട്ടിക്കുളം ബേഗൂർ ഇരുമ്പുപാലത്തിനു സമീപം ചേമ്പുംകൊല്ലി വനത്തിലാണ് സംഭവം. നാട്ടുകാരുടെ വിവരത്തിന് പിന്നാലെ വനപാലകർ എത്തിയപ്പോഴേക്കും പ്രതികൾ വാഹനം ഓടിച്ച് കടന്നുവെങ്കിലും തോൽപ്പെട്ടി വനംവകുപ്പ് ചെക്ക്‌പോസ്റ്റിനടുത്ത് പിടിയിലായി.
പ്രതികൾ രാജസ്ഥാനിലെ ജോധ്പുര്‍, അജ്മീര്‍ എന്നീ പ്രദേശങ്ങളിൽ നിന്നുള്ളവരാണ്. കഴിഞ്ഞ 25-ന് കോഴിക്കോട് സ്വദേശിക്കായി 220 ആടുകളുമായി രാജസ്ഥാനിൽ നിന്നു പുറപ്പെട്ട ഇവരിൽ 35 ആടുകൾ മരിച്ചിരുന്നു. കന്നുകാലി കടത്ത് നിയന്ത്രണങ്ങൾ കാരണം ചത്ത ആടുകളെ വനത്തിൽ ഉപേക്ഷിക്കാൻ ശ്രമിച്ചതാണ് പിടിയിലേക്ക് നയിച്ചത്.
മാനന്തവാടി ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രതികളെ റിമാൻഡ് ചെയ്തു. അതേസമയം, ആടുകളുടെ ജഡങ്ങൾ സംസ്‌കരിക്കാൻ വനപാലകരെ കോടതി നിർദേശിച്ചു
.