ബത്ത: സൗദി-ഒമാൻ അതിർത്തിയായ ബത്തയിൽ മലയാളി കുടുംബം സഞ്ചരിച്ച കാർ അപകടത്തിൽപെട്ട് മൂന്ന് പേർ മരിച്ചു. കോഴിക്കോട്, കണ്ണൂർ സ്വദേശികളായവരാണ് അപകടത്തിൽപ്പെട്ടത്. മരിച്ചവരിൽ രണ്ട് പേർ കുട്ടികളാണ്.
ഉംറക്കായി പുറപ്പെട്ട രണ്ട് കുടുംബങ്ങളാണ് അപകടത്തിൽപ്പെട്ട കാർ സഞ്ചരിച്ചിരുന്നത്. ഒമാനിൽ നിന്ന് സൗദിയിലേക്കുള്ള യാത്രയ്ക്കിടെ ബത്ത അതിർത്തിയിൽ ഞായറാഴ്ച രാവിലെ 8.30ഓടെയാണ് അപകടം നടന്നത്.
മൃതദേഹികൾ:
സഹ്‌ല (30) – ശിഹാബിന്റെ ഭാര്യ
ആലിയ (7) – ശിഹാബിന്റെ മകൾ
ദഖ്‌വാൻ (6) – മിസ്അബിന്റെ മകൻ
കണ്ണൂർ മമ്പറം സ്വദേശി മിസ്അബ്, കോഴിക്കോട് പയ്യോളി സ്വദേശി ശിഹാബ് എന്നിവരുടെ കുടുംബങ്ങളാണ് കാറിലുണ്ടായിരുന്നത്. അപകടത്തിൽ പരിക്കേറ്റ മിസ്അബിന്റെ ഭാര്യ ഹഫീനയും മറ്റു മക്കളും സൗദിയിലെ ഹുഫൂഫ് കിങ് ഫഹദ് ആശുപത്രിയിൽ ചികിത്സയിലാണ്. മിസ്അബും ശിഹാബും നിസാര പരിക്കുകളോടെ രക്ഷപ്പെട്ടു.
നടപടികൾ ഐസിഎഫിന്റെ അൽ അഹ്‌സ സെൻട്രൽ കമ്മിറ്റിയുടെ കീഴിൽ ശരീഫ് സഖാഫി, അബൂ താഹിർ കുണ്ടൂർ തുടങ്ങിയവരുടെ നേതൃത്വത്തിൽ പുരോ
ഗമിക്കുകയാണ്.